Pyetje të shpeshta

Lëvizja VETËVENDOSJE! në Shqipëri është regjistruar në muajin prill 2019 si organizatë e shoqërisë civile me statusin e “Qendrës” pranë Gjykatës së Rrethit Gjyqësor Tiranë. Në Kosovë Lëvizja VETËVENDOSJE! funksionin si parti politike. Lëvizja VETËVENDOSJE! është e shtrirë edhe në Maqedoninë e Veriut dhe në mërgatën shqiptare nëpër botë.

Themeluesit e Qendrës së Lëvizjes VETËVENDOSJE! në Shqipëri kanë qenë të angazhuar për shumë vite edhe pranë Lëvizjes VETËVENDOSJE! në Kosovë. Aktivistët e konsiderojnë veten pjesë të së njëjtës Lëvizje mbarëkombëtare dhe përfshihen në aktivitete të përbashkëta, por Qendra në Shqipëri i merr vendimet në mënyrë autonome.

I gjithë aktiviteti ynë financiar mbështetet përmes vetëfinancimit nga aktivistët e Qendrës dhe qytetarë që besojnë në misionin dhe vlerat e organizatës tonë. Çdo kontribut i qytetarëve nga brenda dhe jashtë vendit përdoret me përgjegjësinë maksimale për synimet dhe realizimin e aktiviteteve të LVV Shqipëri. Në përputhje me Nenin 10 të Statutit, Qendra e Lëvizjes VETËVENDOSJE! në Shqipëri nuk pranon kontribute dhe dhurata nga individë, apo subjekte private/publike, që përkrahin racizmin, ose promovojnë diskriminimin bazuar mbi gjendjen ekonomike, prejardhjen gjeografike, arsimimin, si dhe përkatësinë gjinore, etnike apo fetare.

Në Qendrën e Lëvizjes VETËVENDOSJE! në Shqipëri qytetarët mund të kontribuojnë në mënyra të ndryshme, prej angazhimit të drejtpërdrejt si anëtarë, pjesëmarrja në aktivitetet e Qendrës, kontributi përmes donacioneve financiare dhe në natyrë, përfshirja në grupe të ndryshme pune sektoriale ose tematike, ide dhe propozime, etj.

Qendra synon të japë mbështetjen për ushtrimin e së drejtës demokratike për vetëvendosje sipas “aspiratës shekullore të popullit shqiptar për indentitetin dhe bashkimin kombëtar”, në përputhje me Preambulën e Kushtetutës së Republikës së Shqipërisë si dhe me parimin e vetëvendosjes së popujve, të shprehur në Kreun 1 të Kartës së Organizatës së Kombeve të Bashkuara. Qendra frymëzohet nga vlerat e shprehura të Lëvizjes VETËVENDOSJE! në Republikën e Kosovës dhe nga historia e rezistencës së popullit shqiptar në përpjekjen për liri, ku duhen theksuar Rilindja Kombëtare dhe vlerat e lavdishme të luftërave çlirimtare kombëtare.Qendra punon në rritjen e vetëdijes se bashkimi kombëtar dhe integrimi i Shqipërisë, dhe më gjerë i shqiptarëve, në strukturat Euro-Atlantike (si Bashkimi Evropian dhe NATO) janë procese që duhen realizuar paralelisht dhe e plotësojnë njëri-tjetrin.

Për t’u anëtarësuar në LVV Shqipëri ju lutemi të plotësoni fillimisht formularin në faqen e internetit: https://shqiperi.vetevendosje.org/anetaresohu/

Synimi i LVV Shqipëri është që të shtrihet në të gjithë Shqipërinë. Aktualisht jemi në punë e sipër për të ngritur grupe punuese edhe jashtë Tiranës. Për më shumë informacion ju lutemi të na kontaktoni drejtpërdrejt.

Qendra vlerëson se modeli neoliberal i aplikuar në ekonomi si dhe mungesa e një ekonomie të bazuar në prodhim, i kanë përqëndruar të mirat materiale, dhe në përgjithësi kapitalin, në duart e një pakice të vogël në Shqipëri dhe në trevat e tjera shqiptare të rajonit, duke krijuar pabarazi të skajshme dhe varfëri për një pjesë të madhe të popullit shqiptar. Prandaj, Qendra beson te parimet e shtetit zhvillimor, dhe synon t’i përhapë vlerat e këtij modeli ekonomik që bazohet në prodhim dhe lufton pabarazinë.

LVV në Shqipëri nuk mbështet asnjë parti politike. Aktiviteti i Qendrës është politik në kuptimin më të gjerë të fjalës, të njeriut si qenie politike që jeton e vepron në bashkësi.

Adresa e plotë e Qendrës së Lëvizjes VETËVENDOSJE! në Shqipëri është:

Rruga e “Barrikadave”, vila 158, shkalla 1, kati 2, Tiranë, Shqipëri

Tel: +355 4 450 4588 ; E-mail: [email protected]